Kailan Lamang

written and arranged by John Clifford Infante
performed by inggo 1587

I

Kailan lamang ako'y musmos pa

Tayo'y magkaulayaw at laging magkasama

Sa bisig mo'y kalong ako sa tuwina

Saglit mang mawalay hanap-hanap ka

II

Idinuyan sa piling ng 'yong saya

Sa tamis ng 'yong tinig wala nang hiling pa

Dalangin ko'y tuwa't ligaya

Idulot sa atin sa tuwina

III

Inakalang buhay ko'y payak

Napakarami nang aking pinangarap

Di alintanang buhay ko'y hawak

ng ating Amang lumikha (Amang Makapangyarihan)

Refrain

Salamat sa 'yo, O aking kaibigan

Ikaw ay nar'yan upang ako'y alalayan

Nang dahil sayo'y nabatid kong hiram lamang

Ang aking buhay at aking kapalaran

Salamat sa 'yo, O aking kaibigan

alam kong nar'yan ang palad mo

Kailanman ako'y hindi iiwan

sa ating paglayag

Bridge

Bakit lumipas ang mga panahon?

Kasabay ng pag-agos ng ating kabataan

Bakit di natin minsan pang balikan

ang ating kailan lamang?

IV

At sa muli nating pagbabalik

Panibagong alaala'y ating babaunin

Alaalang panghabambuhay

na ating dadalhin

V

Minsan pa'y ating balikan

Mga panahong kailan man ay atin

Alaala ng kahapong ating bukas

(Repeat Refrain and Bridge)

Kailan lamang ako'y musmos pa